මාධ්‍යය මගින් බුදු සසුන හෑල්ලු කිරීම පිණිස තරඟයට මෙන් සිදුකරන ධාතු මාකටිං තරඟ ගැන මීට පෙර අප හෙළිකරන ලද සැබෑ තතු මෙතනින්>>
සැබෑවටම මෙය
ඛේදනීය තත්වයකි. අද සාසනය මෙතරම් මාධ්‍යය මගින් යටත් කරගෙන තමන්ගේ කූට ව්‍යාපාරික
අරමුණු වෙනුවෙන් නිර්මාණය කොට ගෙන තිබේද? මොවුන් මේ අන්දවන්නේ ගමේ අහිංසක මෝඩ උපාසකම්මලායි. මෙහි
උච්චතම තැන දැන් ඔබ ඉදිරියේ දිස් වෙයි. මහා කාශ්‍යප මහරහතන් වහන්සේගේ ද ධාතුන්
වහන්සේලා සොයාගෙන ඒවා ලංකාවේ පන්සලක ප්‍රදර්ශනයට තබා ඇති දසුනකුයි මේ.
මහා කාශ්‍යප
මහා රහතන් වහන්සේ තමන් වහන්සේගේ ධාතු ශරීරය කිසිවෙකුට සොයාගත නොහැකි වෙන ලෙස
කිසිදා සොයාගත නොහැකි ගල් ගුහාවක පිරිනිවුණු බව සඳහන්ය. කිසිදු පුරාවිද්‍යා
සොයාගනිමකින් හෝ වත් උන්වහන්සේගේ ධාතුන් වහන්සේලා මෙතෙක් සොයාගෙන නැත. එහෙත් අද
ධාතු ප්‍රදර්ශනවලට තබා ඇත. මේ සර්වඥ ධාතු, සර්වඥ නම
විකුණමින් පෙන්වන ධාතු සහ මහරහතන් වහන්සේලාගේ නම විකුණමින් පෙන්වන ධාතු දුටු විට
කෙසේ නම් බුද්ධාලම්භන ප්‍රීතියක් උපදීයිද? මෙවන් බොරු වැඩ
නිසා අපාගත වෙනවා මිසක් වෙන කුමක් වන්නද? බුදු සසුන මෙවන්
පහත් ලාභ උපයීමට ධාතු විකුණන වෙළෙන්දන්ගේ පාරාදීසයක් බවට පත් නොවීමට නම් සමාජය තුල
ඔබ හඬක් නැගිය යුතුමය. මේවා හැකිතාක් ශෙයා කොට සමාජය දැනුවත් කිරීම ඔබේ වගකීමකි.
මේවා දිහා බලාගෙන මුනිවත රැක්කොත් වන්නේ බුදු සසුන නැත්තටම නැති වීමය.
Comments
Post a Comment