කොටකෙතන ඇවිලෙයි! ඇත්ත මොකක්ද?

~~~~~~~~~~~~~~~~~~~~~~
කහවත්ත කොටකෙතන ගම්මානයේ සිදුවූ ඝාතන රැල්ලේ එක් ද්විත්ව ඝාතනයක් සඳහා සැකපිට අත්අඩංගුවට ගෙන තිබු පුද්ගලයින් දෙදෙනකු පසුගිය දිනෙක අධිකරණය මගින් නිදොස් කොට නිදහස් කෙරිණි. ඊට හේතුව අදාල සැකකරුවන් වැරදි කරු ලෙස නිගමනය කිරීමට සාක්ෂි නොමැති වීමයි. ඇතැම් පුද්ගලයන් මෙම සිද්ධියේදී අධිකරණයට දෝෂාරෝපණය කලද සාක්ෂි නොමැතිව අධිකරණයෙන් කිසිවෙකු අත්අඩංගුවට ගන්නේ නැත. මෙයින් පසුව කොටකෙතන ගම්මානය නැවතත් ඇවිලී ගොස් ඇත.. ඇත්තටම මෙම සිද්ධිය පිටුපස සැඟවී ඇති සත්‍යය කුමක්ද?
මෙම කොටකෙතන ඝාතන භීතිකාව පිලිබඳ මීට පෙර සිරි සමන්තභද්‍ර අරහත් මහා ස්වාමින්වහන්සේ විසින් පැහැදිලි කල අතර එහිදී උන්වහන්සේ සඳහන් කල සිටියේ ගම්වැසියන්ගේ අධ්‍යාත්මය පිරිහී ගොස් ඇති නිසා විවිධ බලවේග මිනිස් සිත් වලට ඇතුළු වී විවිධ අපරාද නිර්මාණය කර ඇති බවයි. මෙම ගම්වැසියන් හට ශාන්තියක් උදා කරලීම පිණිස සිරි සමන්තභද්‍ර අරහත් මහා ස්වාමින්වහන්සේ ප්‍රධානත්වයෙන් සිරි සදහම් ආශ්‍රමය මගින් කොටකෙතනට සදහම් යාත්‍රාවක් දියත් කොට එම ගම්මානයේ ජනතාවගේ අධ්‍යාත්මය ශක්තිමත් කොට, විවිධ බලවේග මගින් ඇති වූ බලපෑම් ඉවත් කොට ශාන්තිය උදා කරලීමට දැවැන්ත වැඩසටහනක් සංවිධානය කර තිබුනද කොටකෙතන ගම්මානයේ විහාරස්ථානයේ විහාරාධිපති හිමි නම එම වැඩපිළිවෙලට මුල සිටම අකුල් හෙලීමට පටන් ගත්තේය. එයට හේතුව වශයෙන් එම හිමිනම ප්‍රකාශ කල සිටියේ වරක් පිටිදුවේ සිරිධම්ම හිමි උන්වහන්සේගේ මුහුණ බලා සිනාසුනේ නැත කියායි. ඇත්තටම මෙවැනි පිරිහුණු පුද්ගලයින් ගමේ අධ්‍යාත්මයට නායකත්වය දෙන්න පටන්ගත් විට අමනුස්ස බය පමණක් නොව ඇති සියලු බලවේග ගම වෙලා නොගත්තේ නම් පුදුමයක් ය.. නමුත් ගමේ ග්‍රාමසේවක සහ විදුහල්පති මහත්වරුන් මෙම වැඩසටහනට තම පූර්ණ සහයෝගය ලබා දෙන බව පැවසුහ. සැබෑවටම ගමට ශාන්තිය උදා කරලීමට අකමැතිව සිටින්නේ යමෙක් වේ නම් ඔහු ම ගමට අරක්ගත් යක්ෂයෙක් නොවේද? ගම්මානයේ බුදුබණ දෙසීමට විරුද්ධ වන්නේ නම් ඒ කවරෙක්ද? සාක්ෂි නැති ඝාතන මාලාවේ පිටුපසින් සිටින බලවේගය සැඟවී සිටින්නේ නම් කොතනදැයි දැන් කවුරුත් දන්නා රහසකි.