ගංවතුර පැරදවූ මිනිසත්කම

ජාතිබේද, කුලමල කිසිත් නොහඳුනන ජලකඳ මුළු ගමත් පල්ලියත්, පන්සලත් යටකළේය. ඇඳිවත පමණක් ඉතිරිවූ අසරණ මිනිසුන්, පිළිසරණ සඳහා ආගමික මධ්‍යස්ථානය වෙත යන්නට වූයේ බුදුන් වන්දින්නටවත්, යාඥා කරන්නටවත් නොව තමන්ගේ අදෝනාව කියා, පිහිටක් වන කෙනෙකුන් සොයාය.

එක් එක් හැඩතල වලින් ඔවුන් නිර්මාණය කරගත්, ඔවුනටම අවේනික වූ විවිධ සංස්කෘතීන් තිබුනද, එදා ඒ සියල්ලෝම එකම හැලියේ උයාගෙන කන්නට වූහ. තම ආගම ජාතිය වෙනුවෙන් හඬ නගන සියල්ලන්ගේම මේ අපූරු යතාර්ථය හදවත ස්පර්ශ කලේ සළු මොහොතකට පමණක්ම විය. ඒ ඔවුන් දන්නා පරිදි එක් එක් ආගමට වෙන වෙනම සත්‍යක් ඇතැයි යන්න ඔවුන් තුල සාම්ප්‍රදායික වශයෙන් මුල්බැසගෙන තිබූ බැවිණි.

නමුත් ලොව පවතින, සෑම ආගමකටම පොදු වූ ධර්මතාවයේ වෙස්ගත් ගංවතුර එක සේ සියලු භක්තිකයින්ගේ දෙපා සෝදා එම සත්‍ය කියන්නට වෙහෙස වූවද, ඔවුන්ගේ සාම්ප්‍රදායික චින්තනය සෝදා හරින්නට ගංවතුරට නොහැකිවිය.

එය එසේ සිදුවෙද්දී, මේ සියල්ල දෙස බලා සිටි ගලවුම්කරුවාණෝ ඔවුන්ගේ ජීවිත පිලිබඳ සොයා බලන්නට එහි වැඩමකොට, ඔවුන්ගේ ඕනෑ එපාකම් පිලිබඳ කතා කොට, බෙල්ලන්තර සිරි සදහම් ආශ්‍රමයේ කැපකරු දායක සභාවත්, මාධ්‍ය දායකත්වය ලෙසින් FM 107, වී රේඩියෝ එක්ව ඔවුනට අධාරයක් වන්නට කටයුතු සැලසුම් කළහ. මේ අතර සිරි සමන්තභද්‍ර අරහත් මහා ස්වාමීන්වහන්සේ වෙසක් පොහෝදින ඒ වෙනුවෙන් තම ශ්‍රාවක සංඝයාද එකතුව පිණ්ඩපාතයේද වැඩම කළහ.

මෙහි ප්‍රතිපලයක් ලෙසින් ඊයේ(2016-05-25) දින ,
සිරි සදහම් ආශ්‍රමය නියෝජනය කරමින් පැමිණි සිවනක් පිරිස ශ්‍රී නවලෝක විහාරස්ථානයේ ශ්‍රමදානමයකටයුත්තක්ද සිදු කොට ඉන් අනතුරුව, 800 කට ආසන්න පිරිසකට ඇසුරුම් කරනලද රසවත් රාත්‍රී ආහාර වේලක්ද, පවුල් 175ක් සඳහා අවශ්‍ය වියලි ආහාර ද්‍රව්‍ය ද, ළමුන් 60ක් සඳහා පොත්පත් සහා ඔවුනට අවශ්‍ය අනෙකුත් පාසල් උපකරණ කට්ටලද බෙදාදීමක්, ශාස්ත්‍රපති, කිවිපති පන්නල ඥානාලෝක ස්වාමීන්වහන්සේ වැඩවසන සේදවත්ත, නවලෝකපුර, ශ්‍රී නවලෝක විහාරස්ථානයේ දී පැවැත්විණි.